رواية العشق مكتملة لجميع فصول الرواية بقلم مريم نصار
المحتويات
وقرف
آدم بصدممه عيب وقرف قرفانه من ابوكي يا بنت اللذين انتي طب تعالي هنا وشالها ونيمها على السرير وزغزغها وقعدوا يضحكوا
ها كنت بتعملي ايه ل مراد
نور ضحكت عايزه اصحيه علشان نام وانا صاحيه ونشرب اللبن
آدم امممم طيب تعالى نصحيه وآدم شاورلها تعمل الحركه اللي هو معودها عليها وقامت طلعت على ضهره وهو نازل عندي سرير مراد على ركبه ونور قاعده على كتفه وبتصحى اخوها مووراد مووراد قووم
وآدم بيتأمل ابنه لان دى نفس حركته وابتسممراد قوم يا حبيب ابوك آدم قرب منه باسه
نور صرختلا انت بوسني انا هو لا لا
آدم ضحك ما قولتلك قولتى عيب وقرف
ونور وطت وشها وقربت وباسته من بوقه متقولش لمامى بقا
واتحركت ونزلت من على كتف ادم ونزلت جمب مراد ونامت جمبه وقربت باسته من خده وبس زي ما مريم معوداهاقوم بقى يامووراد قوم يوووه
مراد فتح عينيه بس يابت عايز انام يا رخمه
آدم هههههههه الله ېخرب بيتك يا طارق قوم يا مراد صباح الخير مراد فتح عينه وقام نط علي ابوه بابا الباشا الكبير
وآدم ضحك ولكن سمع صوت صړيخ مريم في الجناح اللي جمبه وقام بسرعه والعيال خاڤت
مريم فكرت ان آدم باسهم وخرج على طول ومتحمله لحد ما يمشي علشان ما يحضرش الولاده من اولها علشان ما يقلقش عليها ودخل جرى عليها والاولاد وراه ومريم كاتمه صوتها في المخده وآدم عرف انها بتولد مراد ونور واقفين يعيطوا
نهاد جت بسرعه
ادم خلي بالك من مراد ونور
ونهاد طمنتهم ودعت لمريم
آدم شال مريم وراح على المستشفى وآدم كان اكتسب خبره واخدها على المستشفى
ونهاد اتصلت على شيرين والكل والكل اتحرك اول ماعرفو على المستشفى ونفس اللي حصل في ولادة مراد ونور
آدم دخل معاها غرفه العمليات وفضل جمبها وحضنها الى ان سمع الصرخه وبعدها ولدت بخير والحمد لله عدت على خير والكل بارك وهنا
وخالد الل طاير باحفاده
وعملو حفله كبيره وڠصب عنها رنا بتتالم وتكتم جواها
مراد بابا الله يا بابا اللعبه دي حلوه اوى قصدهم على زين
نور لا دي لعبتي انا انا هلعب بيها
ونور راحت ل آدم ومريم اللي بيضحكوا مفكرين ان زين لعبه جديده
نوربابي عايزه العب بيها وباست على ايده بمكر الاطفال وبتضحكله علشان تاخد اللعبه
آدم ومريم اتصدموا
آدم مراد انت بتقول لماما مزه!!
مراد ايوه ماما جامده قوي وضحك
ماما هي البالونه اللي هنا راحت فين
مريم بصدممه من مزه وجامده مش عارفه تتكلم وبصت ل آدماعمل ايه في طارق صاحبك ده انت عارف انه من اسبوع كنت جايبه ل مراد عصير ولما شافني قالي ما تيجي ندحرج التماسي
آدم ضحك بصوته كله الله ېخرب بيتك يا طارق بوظت الواد
لا يا حبيبتي ما تاخديش على كلامهم انا هاتكلم مع طارق وبص لمراد هههههههههههه هو قالك واتكا مراد بيضحك وهز راسه
وآدم شاله وفضل يبوس فيه ونور صرختنزله نزله شيلني انا وهات اللعبه دي العب بيها انا وبس
مريم ابتسمت للعيله الجميله وشافت ان زين اخد لون عيونها وبياض بشرتها وشكل آدم مع غمازه في الخد اليمين وكان في قمه الجمال
واتفقوا ان الحفله تكون اخر الاسبوع الى ان جاى
يوم الحفله
طارق يلا يا رنا هنتاخر على الحفله وكمان مراد واحشني
رنا خارجه من الحمام عيونها وارمه من كتر العياط
طارق جيرى عليها رنا حبيبتي مال عينيكى انتى معيطه
رنا اترمت في حضنه انا خلاص ما بقتش قادره
طارق اتخض عليها وقعدها وقعد جمبها مش قادره على ايه
رنا طارق ارجوك اسمعني المره دي انت ما وافقتش على العمليه وانا ماقولتش حاجه وانت قولت سيبيها بظروفها وعدى ٣ سنين واكتر ومفيش جديد ارجوك انا عايزه اتبنى طفل
طارق وقف بديق وزعل عليها انتي لسه يا رنا بتفكري في الموضوع ده وعايزاني اتبنى طفل واتعلق بيه لحد سن معين ويمشى مينفعش وانتي عارفه ان التبني حرام انتى مالك كدا خلاص كتر التفكير هيخليكي تخرفي واحنا كدا عايشين كويس يا ستي انا مش عايز عيال انا عايزك انتي وبس انا مكتفي بيكي انتي وبس
رنا قامت وزعقت وعلت صوتها على طارقانت مكتفي بيا وبس علشان انت اناني وطماع ما بتفكرش غير في نفسك وبس انت لو بتفكر فيا كنت حسيت قد ايه انا بتالم وتعبانه
طارق بصلها بعتاب انا اناني وطماع وما بحسش بيكي يا رنا بما انك شايفه كده احب اقولك شكرا انا مش هارد عليكي علشان بس اثبتلك اني اكتر واحد حاسس بيكي ومش هاعلق على اي اتهام ولا اي لفظ ولا هزعل منك لانك نصي التاني وربنا بس اللي يعلم انا مكتفى بوجودك جمبي مش انانيه لا ده عشق
رنا اترمت في حضنه بټعيط طارق ارجوك يا طارق حس بيا وخليني اتبنى طفل ارجوك
طارق حس انه فعلا زعلان من رنا هو مش اناني هو بيحبها اكتر من روحه وخرجها من حضنه بزعل البسي انا هستناكي بره وسابها وخرج
رنا زعلت من طارق لانه مش حاسس بيها وان كده عدم تقدير ولبست ونزلت
وركبت جمبه العربيه ومفيش حد فيهم اتكلم ووصلوا الحفله وكل واحد مبتسم وبيداري الل جواه
الكل اتجمع في فيلا العدوي وآدم صمم انه هو اللي هيلبس مراد ونور
ومريم في الاخر وفعلا لبس مراد ونور اللي طلعت عينه وعايزه تحط روج لكن آدم ما وافقش لانها عايزه تقلد مليكه ومريم شرحت ل نور انه ما ينفعش حد يشوفها كده ونور زعلت وآدم تعب كتير لحد ما في الاخر ضحكت لما جابلها شيكولاته
ونهاد اخدت مراد ونور ونزلت
مريم شايله زين ولبسته ونام وسابته علشان تقوم تلبس
آدم قرب وشالها وهي اتفاجئت واخدها الحمام ولسه هتتكلم
آدم ششش مريم مكسوفه وآدم نزلها في البانيواسكتي كفايه انتي وحشاني ومش طايلك
مريم احم انت هتعمل ايه
آدم هحميكي عندك مانع
مريم دفنت وشها في صدر آدم بحب وهزت راسها بلا
وآدم بدا يحميها وخرجها من البانيو ونشف شعرها ولف الفوطه عليها وشالها وخرجها ف الاوضه
اذ وفجاءه شاف نور واقفه في نص الاوضه وحاطه ايديها في وسطها وكانت بتبص ل آدم بشرز
نور انت شايلها ليه نزلها نزلها
آدم واقف مصډوم وخاف وكأنه اتقفش من مراته التانيه
مريم كاتمه الضحكه وفكرت وقالت فرصتي لما اشوف آدم هيعمل ايه مريم حطت ايديها حوالين رقبت آدم
مريمامممم ياحرام هتتصرف ازاي دلوقتى ضرتي جت
نور صرختشيلي ايدك شيلي يدك آدم نزلها
آدم بصدممه ااادم !!!!!!!
آدم واقف خاېف ينزل مريم وبعدها مريم تزعل وخاف مينزلهاش نور تزعل
ومريم خلاص عايزه تضحك من شكل آدم اللي واقف وشايل مريم ومحتار
نور نزلها بقى انزلي انزلي وقعها ع الارض انت بابى انا
وبحركه من نور جريت على السرير وحاول تطلع انا هضرب لعبتك لو ما نزلتيش انزلي وصړخت وعيطت جامد
و مريم وآدم ضحكوا في الاخر آدم استسلم لرأي نور ونزل مريم ونور نزلت جري على آدم ورفعت ايديها شيلني انا بقى
آدم بحب
شال نورتعالى يستى ها مبسوطه كده
نور ضحكت عيلهاه وبصت ل مريممامى انتي ما بتعيطش ليه عيطي
مريم بتمثل بزعلانا زعلانه منك يا نور
نور حطت ايديها ع بوقها وشهقت بصت ل آدم الل كان عايز ياكلها اكل من حركاتها بابي مامي زعلانه
آدمياخبر طب هنعمل ايه تنزلي تصلحيها
نور ماشي نزلنى وراحت زعلانه مني علشان بابى شالني هو بابى انا
مريم لا انا زعلانه منك علشان كنتي هتضربي اخوكى ومريم شالتها وراحت جمب اخوها ده زين اخوكي الصغير ومش لعبه انا عايزاكي تحبيه وما تضربيهوش ابدا انتي اخته الكبيره
نور مش فاهمه حاجه وحطت ايديها على جابتها كأن صبرها نفذ اسفه يا مامى انا هحب زين ومش هضربه هاتى بوسه بقى
آدمنور انتى طلعتي ليه
نور اخد عروستي
آدم جابلها العروسه ومراد فين
نورمووراد مع طارق
آدم امممم ربنا يستر طيب انزلي تحت وانا ومامي نازلين
ونور خرجت وآدم ومريم ابتسمو
ادم
ضيعت اهم لحظه
مريم بصتلهوالله داري داري على عملتك انت خۏفت منها
آدم هههههه تصدقي فعلا والله خۏفت البت مش عايزاني اشيل حد
مريم قربت منه بدلع هو انا اي حد
آدم بلع ريقه بصعوبهبصي يا مريم علشان انا مش مستحمل ارجوكي عامليني كده راجل لراجل لحد ما الفتره دي تعدي
مريم هههههههههههه حاضر يلا بقى يا نجم تعال نلبس اشطا
آدم اټصدم اشطا ونجم انتي بتتعلمي لغات من ورايا ولا ايه
مريم ربنا يخليلنا طارق صاحبك معلم مراد كل حاجه ابنك بيقولي صباحك اشطا يا مزه عليه العوض ومنه العوض وضحكوا
آدم لبس مريم فستان جميل جدا وكمان سرحلها شعرها وكان جايب سلسله كبيره وفيها صورته وصورتها واول حرفين من اساميهم ومكتوب على السلسله من بره عشق ال آدم وعجبت مريم جدا ولبسها السلسله وخاتم وساعه شيك جدا
ومريم حضنته بحبربنا ما يحرمني منك وتفضل كده على طول مهتم بيا وب اولادك
آدم غازلها ولبسها الحجاب وساعدها في النقاب وباس ايديها
ومريم رشتله البرفان ولبسته الساعه
وادم شال زين اللي بيخلي قلب آدم يدق لأنه كمل العيله ومريم حطت ايديها في دراع آدم ونزله للضيوف وكانت حفله جميله
اتجمع كل من مصطفى وعيلته وطارق ورنا
وبيتر وابنه ديف
وجاسر وملك ومليكه
وحسام وهدى وزياد ومريم الصغيره
كلهم مبسوطين
الا طارق ورنا وكل شويه طارق يسرق نظرات ل رنا
ورانا قاعده زعلانه ومستنيه طارق يصالحها وحست ان ضغطها نزل وطارق كان واقف قدامها وملاحظ تعبير وشها ورنا حست انها لازم تقوم تقول لمامتها انها تعبانه وقامت ويادوبك خطوتين وطارق حس انها هتقع وجري عليها ورنا فعلا ووقعت بين ايديه رناااااااا
طارق شالها زي المچنون وجيري بيها على المستشفى ومصطفى واشرف وشيرين وكلهم جريو على المستشفى لكن آدم رفض مريم تيجي علشان زين والاولاد وقعدت تدعي ربنا وشرطت على آدم اول ما يوصل يطمنها
بيتر بيجري على العربيه ديففي ايه يا بابي
بيتر لا يا حبيبي دي طقوس كده في العيله دي اخر خمس دقايق في اي حفله واحده تتعب تعالى تعالى اركب ربنا يستر
وكلهم اتجمعو في المستشفى وطارق الل كان عامل زي الطور الهايج واټخانق مع اتنين دكاتره علشان مكنش في دكتوره واتصرفو جابو دكتوره وآدم بيهدي فيه ومش عايز يهدا
عيلة رنا كلها بيعيطوا وكمان محمد دموعه نزلت
وحسام كل الأفراد موجودين
ومريم كل شويه تتصل ب آدم ويقولها لسه الدكتوره
متابعة القراءة
