رواية صدمة العمر الفصل الثامن والاخير بقلم الكاتبة ola Nazer حصريه وكاملة
اسعد انسانة على وجه الارض!! رحتي وصرتي بمكان تاني قبل ماتخليني شوفك !! ليش وئام ليش!! انا هلق كيف بدي اقدر عيش وانا يلي كنت بيوم من لايام سبب اوجاعك ! كيف رحتي من دون ماتسامحيني
بيطلع فيه رأفت وعيونو حمرا من كتر البكي
رأفت قبل ماتموت امنتني قلك انو سامحتك ! سامحتك انت وليمار
يزن اااااخ ياربي ااااخ
بيعلا صوت بكائو
عبير بشهقاتيلا ياامي قوم بكفي تعزبها اكتر بدموعك ! بيكفي !
عبير امشي عالبيت وئام لو كانت بيناتنا مارح يهون عليها زعلك ! لهيك ككون قوي مشانها وبتحبس دمعتها بزور
بيكتفي بهز راسو وبيمسح دموعو وبيقوم بيمشي مع اهلها وبيبقى يزن جنبها وعم يتزكر كل زكريات ولوعود يلي كانت بيناتن ! اتزكر كلمتها انو انا من دونك مابقدر عيش من دونك لو كنت لغيرك!! اتزكر لما قالتلو بمۏت لما تكون بعيد عني ! اتزكر لما كانت تقلو انت كل لحياة بالنسبة الي
بعد مرور يومين
بلباسها لاسود وشاله لبيضا يلي على راسها عم تمشي بين شواهد لتلاقي اسمها بتحط لورد عليه وبتقرألها الفاتحة وبتسمح لدموعها تنزل !
ليمار بكرتي كتير يارفيقة دربي ! رحتي واخدتي معك كلشي حلو ! اااخ شو صعب العمر من دونك وئام ! لحياة مرة كتير وكان وجودك محليها
الله يرحمك يابنت قلبي
بيعلا صوت بكائها وبتبقى اعدة جنب شاهدة وعم يخطر على بالها كل زكرياتن
عند يزن
بيكون اعد وعم يكتب ! هي طريقتو لوحيدة ليعبر عن يلي بداخلو
بس بتعرفي اني حاسس بالفقد لكبير اتجاهك ! اشتقتلك واشتقت لكل تفاصيلك ياروح قلبي !
بوعدك ضل عايش على زكراكي ! وعد بنت غيرك ماتدخل قلبي ولاحتى بيتي ! رح تم صاين حبك ولو انتي مو بهالدنيا
عند رأفت
بيكون اعد وحاطت راسو على كتف عبير
عبير عم تمسدلو على شعروالله يرضا عليك خف عن حالك شوي !
رأفت انا حد نحس بهالحياة كلشي بحبو بيروح مني ليش !! بالاول حبيبتي وتامية مرتي !
وبنفس لمرض هنن تنتين ! ليش انا بس هيك عم بصير معي !!! والله قلبي وروحي راحت معهن
عبير بيدمعو عيونهاهاد قدر الله ياابني وبدنا نتقبلو ! بدك تكون قوي لتربي بنتك ! وتكون لالها سند ولامان !
رأفت ااااخ ياامي اااخ
شمس بدك تهدي ياصهري ! هاد امتحان لالك من رب العالمين ! ليشوف مدى صبرك بهالدنيا
رأفت كلشي من عند ربنا يامحلاه ! بس اجباري هالغصة رح تضل مرافقتني ! يلي فقدتها مو اي انسانة هي قلبي
نيار كلياتنا مكسورين بغيابها بس لحياة عم تمشي وبدنا نتقبل هالامر
رأفت قلبي مو قابل يوقف حزن وبكي عليها
عبير انت ناوي بنتك تنضام يارأفت !! وتزعل وئام بقپرها منك
رأفت اكيييد لا ! مستحيل خليها تحتاج شي وانا عايش !
عبير طالما هيك بدك تقوي ذاتك وتلتفت لبنتك يلي مالها ذنب بكل يلي صار !
رأفت معك حق ! من يوم ورايح رح اوهب حياتي كلها لتالا ! وكرمال وئام بعمل اي شي
عبير وهاد صح ياابني
بيكتفي بهز راسو وبيبقى عم يشرد بزكرياتو مع محبوبتو
في احدى المقات
بيكون واقف شب ومعو بنت صغيرة ! بشعرها الاشقر لحريري وعيونها لخضر
رأفت صدق الله العظيم ! قرأتيلا للماما لفاتحة ياروح لبابا !
تالا اي بابا !
رأفت مابدك تقوليلا لماما شي
تالا مبلا بدي قلها اني كتير اشتقتلا ! واني كتير عم اتمناها تكون معي بكل ايامي ! وخصوصا بهاليوم يلي هو يو ميلادي قالولي ياماما بيوم يلي اجيت انتي رحتي ! رفضت احتفل بهاليوم بس تيتة عبير اصرت عليي ليوم انها تحتفل فيني ليوم ياماما بصير عمري 10 سنين ! ياريتك كنتي معي وتشاركيني بكل وقت بحياتي بيدمعو عيونها وبتصير تبكي
بينزل لمستواها رأفت وبيعانقها
رأفت دموع هاليوم مابدنا يابابا ! لان بعدين لماما بتزعل مننا وانتي اكيد مابهون عليكي
بتهز براسها وهي دموعها معبية خدودها
رأفت نمشي بنتي !
تالا اي بابا
بتمسك بايدو وبيروحو عالبيت
المسا
بعد هالسنين كلها يزن رجع انضم لهالعيلة ! وصار منن وفيهن واخد على حالو عهد يبقى عازب كل حياتو ! ويضل سجين بحبها ل وئام
بتكون تالا واقفة بين لموجودين وعم تدور وعاجبها لفستان يلي هدتها ياه ستها
عبير شو اميرتي لصغيرة عجبك لفستان !
تالا يسلمننن ياتيتة الله مايحرمني منك
عبير ولامنك ياروح تيتة
بيفوت يزن من باب دار بتلمحو تالا وبتتوسع ابتسامتها
بتركد لعندو بطفولة
تالا عمووو يزن
بيعانقها وبشيلها وبيقبلها من خدها
يزن روح عمك
تالا اشتقتلك كتير
يزن وانا اشتقتلك اكتر
بينزلا وبيمسك بايدها وبيدورها وبتتعالى صوت ضحكاتها
يزن اي شو هالفستان الحلو ياأميرتنا
تالا حلو ما
يزن بيجنن
بيتقدم رأفت لناحهم وبيقرب وبيسلم على يزن
يزن الله يحميلك ياها ! وعقبال وقت تشوفها ست صبايا
رأفت الله يسلمك ياصاحبي
عبير يلااا ياروح تيتة صار وقت تطفي لشموع
كنان تيتة وانا كمان
نيار بس ولاك لاتبلش غيرتك ليوم عيد ميلاد بنت عمتك ! بلا ولدنتك
كنان حاضر بابا
بيوقفوها برأس الطاولة وعلى يمينها واقف رأفت وعلى يسارها يزن بيطفو كل لأضوية وبيغنولا وهي عم تتعالى ضحكاتها
الكل هابي بيرثد زي تيووو يا تالا سنة حلوة سنة حلوة ياتوتة
بتقرب وبتنفخ عالشموع وبتتعالى صوت صفقات لموجودين بيشغلو لاضوية وبيقربو عيلتها وبيعايدوها
شمس العمر كلو يا توتة العسل
نيار العمر كلو حبيبة خالها
تالا يخليلي ياكم
بيقدمولها لهدايا
عبير لعمر كلو ياروح تيتة انشالله عقبال وقت شوفك احلا عروس
تالا بتعانقا يخليلي ياكي ياعوضي من هالحياة
عبير بيدمعو عيونهاالله يسعدك ياروح تيتة
يزن العمر كلو ياتالا ! انشالله منشوفك بأعلى لمراتب
تالا شكرا عمو
بيقدملا لهدية
رأفت روح وقلب ابوها كبرت سنة انشالله العمر كلو يااغلى البشر ! عقبال وقت شوفك باعلى لمراتب ومحققة كلشي بدك ياه الله يحميكي ياثمرة عشقي
تالا يخليلي ياك يابابا
بيشغلو الاغنية
شمس يلا ياتوتة تعي عمليلك فتلة
تالا هههه يلا
بتنزل وبتصير بتتمايل بدلع وبيكون رأفت عم يراقب حركاتها يلي بټخطف لوئام ! بيبتسم بۏجع وبيطلع للمكان الفارغ بيشوف طيفها وهي عم تبتسملو
رأفت اشتقتلك
وئام وانا كمان !
رأفت ليش رحتي
وئام هيك الله رايد ! بس انا مبسوطة منك كتير ! بنتنا كتير سعيدة بحياتا
رأفت رح ضل سعيدة طول ماانا وانتي ام واب لالها
وئام بحبك
وبيختفي طيفها من مقابيلو بيطلع بصورتها يلي معلقة بنص صالون
رأفت وليوم بنتنا تممت العام العاشر من حياتها ! صارت صبية وبتشبهك كتير ياروحي ! الله يرحمك ويجعل مثواكي جنة ! الله يجمعني فيكي بالجنة ياروحي ! بحبك وئامتي بحبك
شمس يلا تعوو نلتقط صورة تذكارية لالنا
بيبتسمو لكل وبينضمو بين بعض
وبتمسك شمس لكاميرا وبتلقط صورة تذكارية
وهيك بتكون حياة ابطالنا صارت بعد مرور هالزمن ! بقي رأفت عايش على ذكرة وئام رغم انو لكل قلو تزوج بس ماقبل ولا بأي وسيلة ! وقرر يوهب حياتو وكلشي لبنتو ! وماسمح لقلبو يحب بعد وئام
ويزن وهب حياتو لسجن ماضيه ! حرم حالو من تأسيس لعيلة وهب كل حياتو لحبو لوئام ! ولبنتها يلي عم يكون معهن بكل خطوة بيخطوها
ونيار وشمس صار عندهن صبي اسمو كنان وبيعتبرو تالا بنتن وهيك بالنهاية بيشكلو احلا عيلة بعيدة عن اي مشاكل وضرر وهيك بتكون انتهت قصتنا النا لقاء بعمل جديد بأذن الله
دمتم بخير
انتهت
