روايه الشادر الفصل الثاني والعشرون 22 بقلم ملك ابراهيم

الفصل_الثاني_والعشرون
رواية_الشادر
ملك_إبراهيم
لا اله الا الله وحده لا شريك له له الملك وله الحمد وهو على كل شيء قدير.
بسم الله توكلنا على الله 
اتكلم حمزة بفضول_ 
 وياترى جميلة واثقة برضه اننا معملناش كده ولا صدقت
خفضت ثريا وجهها بحزن وقالت_ 
 انا مشوفتش جميلة ومعرفش عنها أي حاجة من يومها

نظر حمزة امامه وهو بيشعر بالڠضب معقول جميلة صدقت معقول معندهاش ثقة فيه للدرجادي رغم انه آكد لها ان كل شغله قانوني ووعدها انه مستحيل يرجع لشغله القديم ازاي بعد كل ده تصدق انه يعمل كده!
قربت ثريا من والدتها عشان تديها الدوا استأذن حمزة من والدته وراح غرفته دخل الغرفة وهو مقرر انه مش هيفكر في أي حاجة ولا هيغمض عينيه لحظة واحدة قبل ما يخرج بدر ويثبت برائته الموبيل بتاعه كان في الغرفة فتح الموبيل واتصل على رجالته كلهم عشان يجمعهم ويتكلم معاهم ومن بين رجالته افتكر كرم واستغرب ان كرم مظهرش خالص من اليوم اللي اتقبض عليهم فيه ومظهرش في المحكمة ولا حتى شافه لما خرج اتفق مع الرجالة انهم يقابلوه في المكان اللي كان بيجتمع معاهم فيه ودخل يبدل ثيابه عشان ينزل ويقابلهم.
في بيت جميلة.
جميلة كانت حابسه نفسها في غرفتها دخلت والدتها الغرفة واتكلمت معاها بهدوء_  جميلة.. قومي يا حبيبتي افطري
اتكلمت جميلة بصوت منخفض_  مش جعانه يا ماما لو سمحتي انا عايزة انام
اتنهدت والدتها بحزن وقالت_  وهتفضلي على الحال ده لامتى يا بنتي!
وقفت تسنيم قدام باب غرفة جميلة وقالت_  انتوا عرفتوا ان البرنس خرج النهاردة
انتفضت جميلة من مكانها ونظرت لاختها باهتمام تابعت تسنيم حديثها وقالت_  مع ان بابا قال ان المحكمة طلبوا كفالة كبيرة جدا عشان يخرج وكمان المحامي اللي كان بيترافع عنه من كبار المحامين واكيد بياخد فلوس كتير معقول تجارة بتكسب كل ده!
بهتت ملامح جميلة وقعدت مكانها تاني وقالت لوالدتها_  لو سمحتي يا ماما سبوني لوحدي انا عايزة انام
نظرت والدتها لتسنيم پغضب وخدتها وخرجوا من الغرفة وقفت والدتها مع تسنيم بخارج الغرفة وقالت لها پغضب_ ايه الكلام اللي انتي بتقوليه قدام اختك ده! انتي مش شايفه حالتها عامله ازاي!
اتكلمت تسنيم ببرود_  يعني انا الحق عليا عشان خاېفه على اختي تربط حياتها بواحد زي ده
اتكلمت والدتها بغيظ_ 
 طب متدخليش تاني في اللي ملكيش فيه وسيبي اختك في حالها
نظرت تسنيم لوالدتها ببرود واتجهت على غرفتها اتنهدت والدتها بتعب ورجعت على المطبخ.
قعدت جميلة تبكي بداخل غرفتها كل حاجة بتحصل حواليهم وكل الكلام اللي بيتقال بيآكد أن حمزة خدعها  جففت دموعها وقعدت علي الفراش وقالت لنفسها_  مش لازم ابكي تاني عليك يا حمزة انت خدعتني وانا مش هقضي عمري كله افكر فيك وانتظر ان حالك يتصلح انا لازم انساك واكمل حياتي من غيرك. 
في منزل والدة كرم. 
قعدت والدة كرم تتكلم پغضب ونظرت ل أمنية وقالت لها_  هيكون راح فين بس وخد الفلوس اللي كانت في البيت بنصرف منها اومال هنعيش منين وناكل ونشرب منين! منك لله يا كرم حسبي الله ونعم الوكيل فيك زي ما انت مبهدلني طول عمرك كده
نظرت أمنية لحماتها بتعب ووضعت إيديها على بطنها البارزة وقالت_ 
 والعمل إيه دلوقتي انا تعبانه اوي
اتكلمت حماتها پغضب_ 
 العمل عمل ربنا ياختي انتي تقومي كده وتشدي رحالك على بيت اهلك خلاص الواد شكله طفش منك ومش هنشوف وشه تاني
اتكلمت أمنية بحزن_ 
 طب انا لو رجعت بيت اهلي انتي هتعملي ايه وهتعيشي ازاي! وهو مسبش ولا جنيه في البيت تعرفي تعيشي بيه ولا تجيبي منه دوا السكر