روايه جعلتني ملتزما
المحتويات
سكات طول ماهو بيتبرع لمروان
خرج ادم لقي كارما مڼهارة بتبص لادم بعتاب كأنها عايزة تقوله انت السبب
قام ادم أخدها ف حضنه وهمس ف ودنها هيبقي كويس دا قرد انا عارفه مش بسهولة هنخلص منه
تقريبا ادم كان بيطمن نفسه مش بيطمن كارما
وعدت ساعة وخرج الدكتور وأعلن انتهاء العملية وأنه المړيض هيبقي كويس
بعد لحظات من القلق الكل اخيرا اطمن وهدي وادم سمع الكلمة دي وقام رايح لمروان اللي كان نايم
الغريبة أنه مروان سمع الكلمة دي وأيده ارتعشت بين ايد ادم وادم انهار بكا جمبه
وبعدين ادم خرج وراح لحبيبة اللي ھيموت ويعرف هشام اتصرف معاها ازاي
حبيبة .بلهفة .ادم مروان كويس دلوقتي
ادم بتفاؤلإن شاء الله هيبقي كويس أنا متأكد مروان قوي وقدها
بالحق يا حبيبة هشام الكلب دا عمل معاكي ايه
حبيبة حكت لادم كل اللي حصل وازاي فضلت تصلي ساعة كاملة من غير ما تفصل
ادم باس راسها فعلا من يتقي الله يجعل له مخرجا
الحمد لله عدت علي خير وكل واحد هياخد جزائه
ادم حضنها حصل خير يا حوريتي أنا مش قلتلك عايز تؤام
حبيبة اممم
ادم ربنا استجاب لدعايا وانتي حامل ف تؤام يا حورية
حبيبة .اللهم لك الحمد كما ينبغي لجلال وجهك وعظيم سلطانك
عدي الليل بهدؤه علي أبطالنا وكلهم ف المستشفي
وفي الصبح بقا مروان استعاد وعيه وكلهم راحوا يشوفوا
ادم كنت عارف انك بطل وقدها
مروان بتعب ايوا ايوا يا خويا كل بعقلي حلاوة مانا اللي اتفرهدت مش انت ولعلمك أنا ماكنتش ناوي اخد الضړبة مكانك أنا بس كنت حابب ازقك عشان يبقالي عندك جميل بس مع الاسف تأتي الرياح بما لا تشتهي السفن
مروان بسهوكته اللي متعودين عليها ونسي أنه الكل موجودبجد يا بيبي كنت قلقان عليا مش مصدقة
ادم .ميل علي مروان وهمس احم هيفهمونا غلط الله ېخرب بيت البيبي
مروان مسك دماغه ااااااه دماغي البنج دا غريب بيخلي الواحد يهلوس فجأة كده انما اخبارك ايه يا ابو نسب
طبعا كلهم ضحكوا علي اسلوب مروان
ادم .انت ايه واخد بنج ولا حقنة استظراف ما تظبط كده لاظبطك ياض
مروان حسبي الله ونعم الوكيل فيك خطيبتي ومش مهنيني بيها ابدا
وفي اللحظة دي أتدخل منير اللي بص لقي بنته واقفة بعيد ومكسوفو تتطمن علي خطيبها
منيرطب يا جماعة يلا احنا نسيب مروان يرتاح وانتي يا كارما اطمني عليه واخرجي بسرعة ورانا
كارما حاضر يا بابا
ادم همس لوالده ماخلاص اطمنت عليه
________________________________________
ايه لزومه بقا
منير اهدي يا ادم وروح لمرأتك اطمن عليها
ادم اه صحيح الحورية اروح لها تلاقيها صحيت وجري علي حبيبة . تحت انظار منير اللي ضحك وقال والله مچنون زي امك بالظبط وفجأة
زهرة بتقول حاجة يا منير
منير ياما سلام قول من رب رحيم
عند مروان
كارما قربت ومسكت ايد مروان
كارما بدموع انت كويس دلوقتي يا مروان
مروان .انا دلوقتي بقيت كويس لما مسكتي ايدي
كارما عيطت كنت ھموت لو جرالك حاجة
مروان باس ايدها .بعد الشړ عليكي يا كرملة قلبي
وبعدين قال بخبث وبعدين قالها اكيد طبعا
كارما باحراج طب الف سلامة عليك يا مروان وسابته وخرجت.
بقلمي إيزيس بنت الصعيد
عدت الايام بسرعة ومروان اتعافي وخرج من
المستشفي وكله بقا تمام وحبيبة كمان بتحاول تنسي اليوم الكئيب اللي اتعرضت له بسبب هشام وادم حاسس بحزنها وبيحاول علي قد ما يقدر ينسبها اللي هي فيه
في فيلا الالفي
مروان كان معزوم ع العشاء
مروان عمي أنا كنت عايز
اقول يعني يا ريت لو حضرتك توافق أنه يبقي كتب كتاب وفرح في نفس الوقت
منير .والله يا بني كان بودي بس البنت لسة في اولي جامعة وانا خاېف الجواز يأثر علي مستقبلها. ولا انتي ليه رأيك يا كارما
كارما بصت في الأرض اللي حضرتك تشوفه يا بابا وبعدين بصت لوالدها وقالت بلهفةتعرف يا بابا مروان دا عبقري في المحاسبة ايه الدماغ دي أنا متهيألي لو ذاكرلي هطلع الأولي من غير كلاموبعدين بصت للأرض تاني وقالت بهدوء بس اللي حضرتك تشوفه
منير ضحك علي برأتها وهو بعد ما قلتي هتطلعي الأولي عايزاني اقول ايه يعني علي بركة الله قام مروان تلقائي حضڼ منير اللي برق بعنيه وباسه من خده
مروان حبيبي يا عمو منير
بقلمي إيزيس بنت الصعيد
ادم كان نازل من فوق من عند حبيبة .ايه دا ايه دا انا شايف قرارات بتتاخد ف غيابي
كارما بفرحة .ادم أنا هتجوز
ادم
.ايه يا بن الايه يا مروان البت لسة صغيرة ماعندناش بنات للجواز
مروان تصدق انا هنصح اي شاب ما يتقدمش لاخت صاحبه دا انت عقدتني ف ام اختك دي يا شيخ
منير ولد. مروان .اسف يا حج انت مش شايف ابنك بيقول ايه هو ماله اصلا طالما عمو الحج وافق انت مالك يا ثقيل وهمس لادم وديني لاحرمكم منها لما اتجوزها
ادم بنفس الهمسدا بعدك دي اختي وهتختارني أنا
مروان همس ما تحطش نفسك في احراج لأنها هتختار جوزها
ادم هنشوف
زهرة .كفاية خناق انت وهو ويلا العشا جاهز وانت يا ادم روح نادي حبيبة للعشا
بقلمي إيزيس بنت الصعيد
في الصبح بقا
في ملجأ الأيتام
ادم يا حضرة المديرة أنا بقول لحضرتك هتبناه فكريا يعني هدخله ثانوية عامة و هصرف عليه انتي مش هتبقي ملزومة غير انك توفريله مكان كويس وهادي عشان يذاكر فيه
المديرة .أنا خاېفة باقي زمايله يغيروا يا باشمهندس
ادم وفيها ايه أنا في فكرة ف دماغي لو ظبطت هنفذها وساعتها هيبقي أي طفل موهوب زي زياد من حقه ياخد فرصته احنا محتاجين حضرتك للموارد البشرية المبدعة ف بلدنا
المديرة .بجد حضرتك ونعم الشاب ربنا يحفظك يا ريت كل الناس زيك تبدأ بنفسها
ادم .اعتبر دي موافقة من حضرتك علي أنه زياد يدخل ثانوية عامة
المديرة ما باليد حيلة موافقة يا سيدي
ادم تمام شكرا . وبص ل زياد وغمزله وزياد ضحك
يااااااااه العطاء شعور جميل جدا بيحسسك قد ايه انت انسان وبتحس باللي حواليك وبالذات لما تاخد بايد طفل يتيم وتعمله حاجة تفرحه مهما كانت صغيرة وزي ما رسولنا الكريم عليه افضل الصلاة والسلام قالحديث سهل بن سعد قال قال رسول الله ﷺ أنا وكافل اليتيم في الجنة هكذا وأشار بالسبابة والوسطى وفرج بينهما صدق رسولنا الكريم
في المساء في فيلا الالفي
رجع ادم من شغله منهك وتعبان جدا هو بيضغط نفسه كتير في الشغل اليومين دول عشان يلحق يسلم المشروع ف معاده
لقي العيلة متجمعة ومعاهم مروان
ادم السلام عليكم ورحمه الله وبركاتهمروان هنا
مش ملاحظ انك ناقص حبة وتجيب شنطة هدومك وتعيش معانا
مروان . .حب يغيظه .والله عمو منير قالي بس انا كرامتي نقحت عليا
كلهم ضحكو
ادم أنا بصراحة جي مفرهد ومش حابب ادخل معاك ف نقاش من اي نوع
اومال حبيبة وكارما فين
زهرة .البنات يبختارو شوية حاجات لزوم الفرح وانت كمان اوعي تقولي انك بكرة كمان رايح الشغل والا مين هيوقف مع مروان ف تجهيزات الفرح
ادم .بجديةلا طبعا مش رايح وانا عندي اغلي من ميرو وكارما أنا رايح اخد شاور واصلي العشا ماما والنبي الاكل بسرعة لحسن ابنك ما اتغداش
زهرة يا حبيبي يا ابني حالا يكون جاهز
مروان عمي هما عيالك ليه مش بيفكروا غير في الاكل
منير همس لمروان .زي امهم
مروان ضحك بس كتم ضحكته اممم
بقلمي إيزيس بنت الصعيد
عند حبيبة وكارما
ادم دخل لقاهم جيبين صور فساتين وحاجات بنات بيتفرجوا عليها ع النت
ادم المزز بيعملوا ايه
كارما بصتله ببرأةايه البنوتة الصغيرة خلاص كبرت وهتسبنا وتتجوز الفكرة نفسها مش داخلة دماغي يا حورية
حبيبة وفقت وقربت عليه هي هتتجوز صاحبك يعني المفروض تبقا فرحان
ادم قرب عليها وهمس اهو انا دلوقتي فرحان بجد
حبيبة ادم عيب كده كارما موجودة
ادم بت يا كارما دوري وشك الناحية التانية دقيقة
كارما بزهق ولا دقيقة ولا اتنين يا اخويا انا اصلا نازلة .وسابتهم ومشيت
ادم بتفهم البت كارما دي
بقلمي إيزيس بنت الصعيد
عدي الليل علي أبطالنا والكل بيستعد لفرح كارما ومروان
وفي الصبح بقا
عند ادم وحبيبة
حبيبة ساندة راسها علي صدر ادم
حبيبة ادم ماما
عايزاك تدير شركة بابا الله يرحمه
ادم بصي يا حبيبة انتي عارفة أنا اد ايه مشغول بس هحاول ولو ما قدرتش اكيد هجيب واحد أنا بثق فيه يدير الشركة اوك يا حورية
حبيبة شاردة ما رديتش
ادم حورية رحتي فين
حبيبة يا ريت يا ادم لو كان مروان وكارما هيعملوا فرح إسلامي بجد كنت هابقي مبسوطة
ادم عشان مش بتحبي الاغاني صح
حبيبة . .امممم
ادم سمع حد بيخبط ع الباب
ادم مين
زهرة .صباح الخير مروان مستنيك تحت يا ادم
ادم تمام قله خمسة ونازا
في الفيلا تحت
ادم نزل لمروان وزهرة كانت واقفة توزع عليهم مهام الفرح
ادم اهلا اهلا بعريسنا الغالي بزيادة
مروان بشك دي وراها حكاية صح
زهرة بدأنا النقار بتاع كل يوم بعد أما تخلصوا نقار نادوني عشان اقولكو هتعملوا ايه
ادم ولا حكاية ولا رواية يا ميرو هو ما ينفعش ادلع صاحبي حبيبي ولا ايه
مروان بشك اصلك مش متعود
ادم قرب منه اويهو أنا لو طلبت منك طلب هتوافق اكيد هتوافق إن شاء الله
مروان .مانا قلت اكيد فيها إن اشجيني
ادم ممكن يا ميرو نلغي الدي جي والاغاني ونخليه فرح إسلامي
مروان ربع ايديه ف بعض .لا
ادم والنبي يا مروان عشان خاطري حبيبة مش بتحب الاغاني
مروان لا برضو وبعدين أنا مالي حبيبة تحب الاغاني ولا ما تحبهاش دا فرحي أنا وكارما يعني نعمل اللي يعجبنا مش اللي يعجب حبيبة
ادم .كنت عارف انك عيل خسيس وواطي ومش بتقدر حد
مروان يا ابني انت بقا كل تفكيرك انك تعمل اللي يرضي حبيبة حتي لو علي حساب اي حد
يا مچنون حبيبة
ادم اتغاظطب يا كلب كارما
مروان ضحك. لااااااا كلب كارما ايه بقا دانا كارما همشيها ع العجين ماتلخبطوش
ادم يا سلام انت هتعمل في اختي كده طب ايه رأيك بقا ماعندناش بنات للجواز يا مروان يا شاكر وخد بعضك وامشي
مروان .أنا خلاص حفظت الاسطوانة المشروخة دي ومش هرد
زهرة جات لهم تاني هو انتوا لسة مانهتوش
متابعة القراءة
