رواية انا لها شمس( الفصل الثاني والاربعون ) بقلم روز امين
وتقعد مع إيثار طول اليوم
اشتدت سعادة فريال وعصمت ليقاطعه ماجد قائلا
بس كده كتير يا باشا ثم أنا مقبلش إن حضرتك تدفع مبلغ كبير بالشكل ده علشان تحل لنا المشكلة أنا هشتري شقة على قدنا ولما ظروفي تتحسن هشتري لفيري ڤيلا تليق بيها
نطق فؤاد بصوت قوى
مفيش حاجة كتيرة على فريال ثم ده حقها على الباشا وكمان الحل اللي إختاره الباشا ممتاز ومش هيبعد فريال وولادها عننا وإحنا دايما هنكون مع بعض في كل مناسباتنا وأجازاتنا الإسبوعية
خلصنا يا ماجد هو ده الحل الوحيد علشان بنتي متبعدش عن عيلتها ومش هقبل بأي إعتراض منك
تطلع عليه لينطق باحترام وتقدير لذاك الراقي
أنا تحت أمرك يا باشا
علشان خاطري يا عزة تخليني أكلم بابي
تنهدت بحزن لحال الصغير لتقول باعتذار
يا حبيبي مش هينفع ماما هتزعل مني
نطق بدلال
أنا هقول لها إن أنا اللي كلمتك كتير وطلبت منك ده
ثم مال برأسه لينطق متوسلا مما جعلها تستسلم لرغبته
علشان خاطري يا عزة
ناولته الهاتف وطلبت رقم ذاك المتواجد مع والده وشقيقاه بمكتب الظبط لحمايتهم بعد ڠضب عائلة ناصف التي حضرت وتجمهرت أمام مبني القسم وطالبوا بتسليمهم نصر للقصاص منه ففضت الشرطة التجمهر ووعدتهم بالتحقيق في القضية والقبض على الجاني في اقرب وقت واستجوابه كانوا يجلسون على المقاعد فصدح صوت هاتف عمرو ليرد سريعا على ذاك الرقم الغريب ليفاجأ بصوت صغيره البرئ
هب واقفا لينطق بعدم تصديق واشتياق لصغيره المحبب والمقرب من قلبه لما لوالدته من غلاوة
يوسف
نطق الصغير ببراءة
أيوا أنا إنت وحشتني وخليت عزة ترن لي على رقمك من فونها لأن مامي جابت لي فون جديد بس مفهوش رقمك لكن عزة عندها رقمك
نطق عمرو بصوت متأثرا
وحشتني يا حبيبي وحشتني قوي
إنت كمان وحشتني وجدو ونانا وحشوني وكمان زينة
لينطق ببراءة وقد بدا على صوته السعادة
بابي مامي هتخلف بنت وولد هي لسه جاية من عند
الدكتور هي وانكل فؤاد وقال لها هتجيبي إتنين بيبي
شهقت عزة لټخطف الهاتف من الصغير وهي تقول بانزعاج
هات التليفون ده يا مصېبة
اغلقته وهتفت معنفة إياه
أنا عارفة إن طردي من البيت ده هيبقى على إيدك يا شبر ونص إنت.
إنتهى الفصل
انا لها شمس
بقلمي روز امين
